martes, 21 de noviembre de 2017

CONTRA A VIOLENCIA DE XÉNERO- Charla da Policía Nacional

Continuando co ciclo de conferencias da POLICÍA NACIONAL que a ANPA do noso cole promove dende hai un ano, esta mañá abrimos as portas ás familias que quixeron acompañar ao alumnado de 5º e 6º. A charla versaba sobre a Violencia de Xénero. Con vídeos e exemplos tentaron explicar a importancia do respecto pola igualdade de xéneros. Fixeron un percorrido pola nosa historia recente para ver os cambios que a  sociedade foi quen de lograr. E  achégáronse tamén a outras culturas nas que a muller carece dos dereitos que como ser humano debería ter recoñecidos.

Coas recomendacións ao alumnado de como actuar no caso de necesitar axuda rematou esta charla que dará lugar á reflexión nas aulas e nas familias, ao longo desta semana de forma especial. 
O NOSO AGRADECEMENTO Á 
ANPA DO COLEXIO.
E Á POLICÍA NACIONAL 
POLA SÚA COLABORACIÓN

lunes, 20 de noviembre de 2017

DÍA INTERNACIONAL DOS DEREITOS DA INFANCIA

http://www.rtve.es/alacarta/videos/dias-de-cine/caminico-escuela/2961742/
Se premes na imaxe podes ver o avance desta película
Esta semana estamos traballando coa película "CAMINO A LA ESCUELA", de Pascal Plisson
"Después de ver la película, hay quien piensa que el tono del documental es algo artificial, que da la sensación de estar preparado… ¿qué le respondes a esas personas?
Pues yo digo que hay algunos de estos chicos que nunca antes habían visto una cámara ni una película. Intentar dirigir a este tipo de niños sería un fracaso, porque no sabrían cómo moverse ni cómo actuar. Lo que les pedí a estos chicos fue lo mismo que hacen cada día, por lo que no fue nada raro para ellos. De hecho, ellos ni siquiera piensan que ir a la escuela sea algo difícil. Lo que hice fue pedirles que no miraran a la cámara y lo filmé en doce días. Cada día hacíamos una pequeña parte, y no les daba miedo la cámara porque para ellos esta no significaba nada. Antes de grabar estuve un mes y medio con ellos sin cámaras y se hicieron amigos míos, todo fue natural."
Diferentes realidades a través de catro historias situadas en Kenia, Marrocos, Patagonia en Arxentina e India. Catro duros itinerarios cun moi longo percorrido cheo de obstáculos que salvar; algúns deles, todas as mañás; noutro caso dúas veces á semana, xa que 22km sería unha tarefa imposible... 
Que diferente á nosa realidade, non si?
Recomendámosvola se tedes ocasión de ver unha nova proxección a través de RTVE2 (A la carta)

VISITA A FERROL E A AFUNDACIÓN

https://photos.app.goo.gl/1u9nUfROeGcfwaFh1
Diante da Porta do Dique. Preme nela e accede ao resto das imaxes da visita.
O pasado venres fixemos unha saída ao centro de Ferrol. Os maiores aproveitamos para visitar a nosa cidade, percorrendo, coma outras veces, algunhas das zonas máis bonitas. 
Logo diso, esperábanos unha actividade relacionada coa arte plástica e a música:

«Sonoro empeño. A música nas coleccións ABANCA e Afundación»

. Dividíronnos en cinco grupos de TIPOS DE MÚSICA: Música tradicional galega, Música clásica, Jazz, Rock and Roll e Heavy Metal. Relacionamos cada un destes estilos con outro de arte pictórica e localizamos na exposición cadros que se  correspondían con eles. Finalizamos a visita cun obradoiro no que pintamos ao son da música que soaba.  Cada un no seu equipo! Xenial!!

https://photos.app.goo.gl/0TtLFw3B69R4X4Gg1
O resto das imaxes desta exposición e obradoiro se premes na foto

miércoles, 15 de noviembre de 2017

UN BECHO ESTRAÑO, Contacontos

https://photos.app.goo.gl/Y0J9vVb01YMEBrsg2
PREMENDO NA IMAXE, VERÁS TODAS AS FOTOS DA SESIÓN
Esta mañá, na hora do recreo, Diego Amado Cabanas e Hugo Blanco Fernández contaron "UN BECHO ESTRAÑO", un libro de Mon Daporta, ilustrado por Óscar Villán, da Ed. Kalandraka.
Como podedes ver nas fotos, dominaron o escenario coma verdadeiros profesionais. 
https://issuu.com/kalandraka.com/docs/un-becho-extranho-g

Cremos que xa están buscando outro...
ESPERÁMOSVOS!
MOITAS GRAZAS AOS DOUS POR ANIMARVOS A COMPARTIR UN CONTO COS VOSOS COMPAÑEIROS E COMPAÑEIRAS DO COLE E  
NORABOA!!
ATA A PRÓXIMA
 

domingo, 12 de noviembre de 2017

SAÍMOS EN PRENSA

https://www.ferrol360.es/los-escolares-de-pazos-se-rinden-a-los-juegos-tradicionales-en-su-dia-do-peon/
ENLACE AO ARTIGO COMPLETO, PREMENDO NA IMAXE

sábado, 11 de noviembre de 2017

O XOGO DAS DEZ PISTAS. RECOLLIDA DE DATOS E AVALIACIÓN

PREME NA IMAXE PARA VER AS OUTRAS FOTOS!
Recordades o xogo que fixemos o outro día na Biblioteca? O XOGO DAS DEZ PISTAS. Esta é a segunda parte: Recollida da información e avaliación da actividade. 
Aquí vos deixamos os dous modelos.


viernes, 10 de noviembre de 2017

FELIZ O DÍA DO PEÓN!

Xa sabes, SE QUERES VER FOTOS, PREME NA IMAXE!
Esta mañá celebramos o DÍA DO PEÓN con XOGOS POPULARES NO PATIO. Non faltaron as buxainas, os zancos, o xogos da chapa ou mariola, o "arrastramortos", as carreiras de chapas e o tres en raia. Unha mañá movida, non si? Todo un éxito, como podedes ver nas fotos. 
Se cadra, tamén poidades ver un "Mortadelo e Filemón" que paseaba polo patio algo agochado. Seredes quen de localizalo?

CÓMICS DA BIBLIOTECA NA AULA

https://photos.app.goo.gl/w29zC2ftfvDEvEht2
PREME NA IMAXE PARA VER AS FOTOS
Esta mañá tivemos unha sesión adicada ao cómic. As nenas de sexto explicaron con exemplos, ao grupo de 5º, como analizar un cómic dende o punto de vista da forma.: MIRANDO VIÑETAS.
 

Se queredes ler máis, podedes ver a entrada en "CADERNOS DE QUINTO E SEXTO"

domingo, 5 de noviembre de 2017

SAÍMOS EN PRENSA

http://www.ferrol360.es/cuentos-desfile-de-calabazas-o-magosto-por-el-samain-en-el-ceip-pazos/
ENLACE A O ARTIGO COMPLETO NA IMAXE

viernes, 3 de noviembre de 2017

CELEBRACIÓN DO MAGOSTO E DO SAMAÍN! POR FIIIIIN!

Despois dunha longa e produtiva mañá, tentaremos resumir todas as actividades que fixemos dende primeira hora ata a saída. Se ides premendo en cada imaxe poderedes acceder aos álbumes completos e ver todas, todas as fotos da xornada!

Como vos anunciabamos onte, hoxe, na HORA DE LER,  Azahara contou "O noso Samaín", na BIBLIOTECA. 
"O NOSO SAMAÍN, non o Halloween…esa é a premisa que moveu a Loretta Birott e á Editorial Galaxia a apostar por este fermoso álbum ilustrado por Nuria Valdeón: explicarlle ás nenas e nenos de Galicia a fecunda tradición galega relacionada co nacemento do outono e crenzas que veñen de hai moitísimos séculos, tantos como ten o noso pobo milenario.
Para a autora é crucial, e a editorial comparte, que a cativada galega saiba que a tradición dos calacús e do contacto entre os mortos e os vivos é, tamén, galega, que se chama Samaín e que leva celebrándose no País, dende sempre. Unha xeitosa maneira de achegarse a esta tradición nun relato sinxelo, poético e cargado de historias."
https://photos.app.goo.gl/gZysMoTj7AeigBSi1
FOTOS DA SESIÓN DO CONTACONTOS: O NOSO SAMAÍN
Repartidos en grupos, os nenos e nenas foron rotando por tres obradoiros: Fixeron colares de zonchos, elaboraron cucuruchos de papel para coller as castañas asadas, e xogaron no patio nun obradoiro de xogos populares coa castaña como protagonista. 
https://photos.app.goo.gl/bv1Twdzo2K5Sjfq22
PREME PARA VER TODAS AS FOTOS DOS OBRADOIROS

Despois dos obradoiros e un pouco de recreo, continuamos co desfile de cabazas. Vaia cabazas que houbo este curso! 
Grazas ás familias polo traballo ben feito; un verdadeiro derroche de imaxinación e creatividade! 
https://photos.app.goo.gl/9d5935iC1JTdGK3p1
SE PREMES NA IMAXE FANTASMAGÓRICA, VERÁS OUTRAS FOTOS DO DESFILE!
 A continuación demos paso á lectura dos CONTOS DE MEDO.  Escoitamos cinco contos colectivos, cos que faremos o libro dos Contos de Medo deste ano; e outro individual, de Paula López Mella. Gaia Somaza Nieto ten preparado outro para o luns, haberá que esperar...
Un destes días -estade atentos- publicaremos os contos e poderedes ver que grandes traballos saíron este curso das aulas. De momento, teredes que conformarvos coas fotos, que non están nada mal!

https://photos.app.goo.gl/k6MTcyIMRBnDk2no1
TODAS, TODIÑAS TODAS  AS FOTOS, SE PREMES NA IMAXE!
Logo de ler os contos, por suposto que necesitabamos repoñer forzas, así que tocou MAGOSTO!
ÑAM ÑAM!! XA SABES, SE PREMES NA FOTO, VERÁS TODAS AS CASTAÑAS QUE COMEMOS
 E, por último, FOTOOOOO!!! 
A SANTA COMPAÑA visitounos 
e non tivemos máis remedio que retratala!!!!
Moitas veces...
AUUUUUUUH!!

jueves, 2 de noviembre de 2017

SAMAÍN E MAGOSTO, TODO PREPARADO!

APROVEITADE E FACEDE UNHA FOTO COA SAAAANTA COMPAAAÑAAAA...!
MAÑÁ UN MONTÓN DE ACTIVIDADES ESTARÁN ESPERÁNDOVOS NO COLEXIO DE PAZOS! 
ATENCIÓN!!

* A primeira hora: CONTACONTOS da profe Azahara na Biblioteca. Conta "O noso Samaín", un libro editado por Galaxia, escrito por Loretta Birott Bermejo e ilustrado por Nuria Valdeón Balsas. 
* A continuación tres OBRADOIROS para elaborar cucuruchos, facer colares de zonchos e xogar coas castañas.
* Despois disto, DESFILE DE CABAZAS, con coreografía preparada pola profe Kelly incluída.
* LECTURA DOS CONTOS DE MEDO, contos cos que elaboraremos o xa tradicional CONTO COLECTIVO DE MEDO!
* Celebración do MAGOSTO!
ESPERAMOS QUE PASEDES UNHA MOI BOA MAÑÁ...
E NON ESQUEZADES FACERVOS UNHA FOTO COS VOSOS COMPAS E A ... SAAAANTA COMPAAAÑA...

martes, 31 de octubre de 2017

MONSTROS NA ESCURIDADE: contacontos na Biblio!

https://photos.app.goo.gl/WUW5L5sJjXMGv6Kl2
Preme na imaxe para ver todas as fotos da sesión
Esta mañá Roi e Aitana sorprendéronos cun pavoroso conto: MONSTROS NA ESCURIDADE, de Áslaug Jónsdóttir.
Foi o seu primeiro contacontos e temos que felicitalos porque o fixeron de marabilla. Esperamos ver moi pronto aos seus compañeiros; despois deste éxito, seguro que se animan.
Roi, Aitana, moitas grazas por compartir con nós esta historia e PARABÉNS!!

sábado, 28 de octubre de 2017

O COELLIÑO BRANCO visítanos de novo


O pasado xoves escoitamos de boca de Icía Fraguela e María Coello "O coelliño branco", un conto de Xosé Ballesteros e ilustrado por Óscar Villán, da Ed. Kalandraka.
Se queredes ver o conto, premede NA IMAXE DO LIBRO
https://issuu.com/kalandraka.com/docs/o-coellinho-branco-g_3e13ff491893a1
E agora, deixámosvos coas imaxes da sesión, non sen antes agradecer a Icía e a María que escollesen este conto para compartilo con nós. 
María, Icía, fixéstelo moi ben. 
A verdade é que xa nos tardaba vervos as caras; )
Ata pronto! Esperámosvos!!
 
https://photos.app.goo.gl/PWR3oa9hxsGvTFx02
PREME NA IMAXE PARA VER AS FOTOS DO NOSO CONTO

martes, 24 de octubre de 2017

NA PROCURA DOS LIBROS: O XOGO DAS DEZ PISTAS

Catro portadas
Catro títulos
Catro autores
Catro etiquetas
Estes foron os primeiros pasos para atopar o libro indicado nos andeis da nosa Biblioteca.
Repartimos os doce alumnos en catro equipos de tres alumnos cada un.
A cada equipo entregóuselle unha carpeta coa imaxe da portada do libro sobre o que lle tocaba buscar información: "El perro de los Baskerville", "El fantasma de Canterville", El hombre invisible" y Frankenstein o El moderno Prometeo" 
Unha vez que obtiñan desa portada o título, o autor, deberían saber a etiqueta que lle correspondía para poder localizar o libro.
Unha vez localizado o libro, extraían a seguinte información: época e lugar de nacemento do autor ou autora, outra obra escrita por el ou ela e argumento do libro. Ademais deberían incluír o título en galego, unha imaxe do autor ou autora, seleccionar entre os dados, un fragmento que se correspondes co libro en cuestión e a carátula da película levada ao cine da mesma obra.
En total, dez pistas recollidas xunto co libro nunha carpeta que tiveron que entregar para demostrar que superaran a proba...
Podes ver as dez pistas en cada portada
Unha actividade con éxito, dinámica, rápida e cremos que moi efectiva!!
Haberá que seguir preparando para este curso algunha máis, non si?
 
https://photos.app.goo.gl/AClw03W5XEYZ02VB3
Preme na imaxe para ver todas as pistas

https://photos.app.goo.gl/kzi98UNLqjuh4DAw1
Preme na imaxe para ver todas as pistas

https://photos.app.goo.gl/vVj5psSZdRGIIPOC3
Preme na imaxe para ver todas as pistas

https://photos.app.goo.gl/hIBrI96Bl8bwGLYk1
Preme na imaxe para ver todas as pistas

!QUE VIENE EL LOBO!



Este é o recordo que Paula López Mella repartiu no contacontos: "¡Que viene el lobo!" Paula fixo dúas sesións; onte, unha na clase de Infantil, e outra, aberta a todos os compañeiros do cole, hoxe na Hora do recreo. É a historia dun lobo un pouco inquedo que se move polo libro cando o inclinas; incluso se o axitas está a piques de caer, pero, NON! Este lobo consegue sempre que o conto volva comezar e non perder de todo o equilibrio... 
Unha historia creada por Ramadier e Bourgeau e editada por Lóguez
Agora, as imaxes, queredes velas? Pois premede nestas catro de abaixo...
https://photos.app.goo.gl/2neccuTGfxJIxeBr1
 GRAZAS, PAULA! ESTE CONTO MOLOU!
VAI ESCOLLENDO OUTRO. ESPERÁMOSTE!

domingo, 22 de octubre de 2017

DÍA DAS BIBLIOTECAS ESCOLARES

Mañá celebramos o DÍA DAS BIBLIOTECAS ESCOLARES como cada ano con contos, historias, traballo e diversión...
* Na HORA DE LER, Paula López Mella contará "QUE VIENE EL LOBO", aos máis pequenos.
* Os maiores terán unha sesión de contacontos dentro do CICLO DE MEDO que traballamos cada curso por esta época: "El fantasma de Canterville"
* Ademais o XoGo DaS DeZ PiStAs poñerá a proba ás mentes máis espelidas.
* Por último, o cole ao completo continuará co obradoiro de escritura para compoñer entre todos un novo volume dos CONTOS DE MEDO.
Recordámosvos que a lectura levarase a cabo durante a festa do Samaín e o Magosto, o vindeiro 3 de novembro!

viernes, 20 de octubre de 2017

PONTE NO MEU LUGAR

https://photos.app.goo.gl/lcwnEkI1RwJPxaUL2
Preme na imaxe para ver todas as fotos da sesión
Como vén sendo habitual nos últimos anos, hoxe tivemos a visita dun grupo de ASPANEPS, que traballaron cos cursos de 5º e 6º, para dar difusión á campaña "PONTE NO MEU LUGAR", coa que se pretende sensibilizar ao alumnado sobre a discapacidade. 
Unha semana antes recibimos os carteis que encheron os espazos da entrada e corredores, e uns vídeos para ir traballando previamente. 
E hoxe, houbo momentos de escoita e diálogo ao comezo; de actividade, con cadeiras de rodas, antifaces e un kit de simulación, que vedes na imaxe, para comprender a sensación de perda de visión, audición, tacto, mobilidade... ; e de reflexión e  resposta, xa na aula. Sen esquecer unha chapa e unha libretiña para cada participante, a lectura do poema de Sheila ( e os PARABÉNS polo seu aniversario ; ), e un diploma de participación para a clase, cos que remataron a súa visita.
Agradecemos e valoramos moito que cada ano nos fagan pensar en todas as barreiras que levantamos, e en todas as que non derrubamos para facer unha vida máis xusta para todos!
Grazas a Miguel, Iván, Sheila e Ramiro, 
e a Sabela e a Xavier, 
por compartir con nós esta mañá.
Ata sempre!!

* VISITA NO 2015
* VISITA DO ANO PASADO
* ASPANEPS. 2010. VISITA Á FEIRA DO LIBRO. OBRADOIRO DE ENCADERNACIÓN.